أزمة الجن إيه

أزمة الجن إيه .

‏الأحد، 25 أكتوبر 2009 في 10:08

أزمة الجن إيه .

مسكين الجن قوي
غلبان مين قال مفتري ؟
لو زاد له يومين
بيخس سنين
مع إنه يا ناس
كان يوم عبقري
عاش كنج زمان
يعني كان ملك
ولكل وقت وله آدان
أخرتها بيمشي
بالزمبلك
ونوضح
فنقول
كان إيمه وسيما وله معنى
على إيد فاروق
إيده الشمال ولاّ اليمين ؟
مش فارقه ..
م الآخر طاردوه
بالذوق
بعد ما سرقوه
ما هو ياما أيام
فيها سرقنا
وباعوا لنا كلام
فشر الأوهام
وأغاني كمان
ليها دمَّعنا
شايفك مش فاهم !
مع إني بتكلم عربي
مش هندي
ولا حتى ياباني
و إن كان ألماني
ما هو لازم حتماً
يألمني
ما هو ألمك من ألمي يا صاحبي
إنت فاهمني ؟
أشك .. ونوضح تاني
الجن إيه ..
صاحبنا ؟
كررها عشر مرات
وبسرعة ..
برضك مش فاهم !
طيب ..
ها نقول صاحبنا
اللي تاعبنا
ومشقينا
ومغلبنا
ومجننا
ضربوه في السوق
أغمى عليه
قالوا فوَّقوه
قاموا عوَّموه
مع إنه ما لهوش في العوم !
وده ذنبه
ما هو خد ع النوم
راحوا غرقوه
ميت رحمه ونور
عليه
أنت فاهمني ؟
طيب ...
تصبح على خير

....................................... خالد السويفي