لو احمد شفيق أصبح رئيس لمصر يبقى نستاهل اللى يحصل لنا واكتر منه كمان
واولنا .. النخبة المثقفة الواعية اللى بيقولوا انهم هم حماة الثورة وهم اللى عملوها
لو شفيق أصبح رئيس .. تبقى النخبة هى اللى جابته مش اى حد تانى
الأخوان - رغم كل عيوبهم - مش يهود
الاعلام سايب كل حاجة وماسك فى الاخوان واللى بيعملوه الاخوان ويضخم اى غلطة واى تصرف يلويه
المهم ان الاخوان ينضربوا
انا حاسة انهم عاوزين يقضوا على اى مشروع اسلامى بأى وسيلة
الأخوان مش ملايكة ولاقديسين وكمان بقية النخبة اللى بتتكلم فى كل مكان عن مساوئ الاخوان
لم انتخب الأخوان
لم انتخب مرسى
لكن انا هاأروح فى الاعادة وانتخب مرسى علشان شفيق ماينجحش
الأخوان مش يهود والنخبة التى تهاجمهم مش ملايكة
كفاية ضرب فى بعض
انتم ضيعتوا الثورة والشعب اللى خرج معاكم بسبب انانيتكم وسباقكم على التورتة
أنتم الآن تذبحوا الأخوان وتذبحوا معاها احلامنا فى وطن
انتم تدعون للديمقراطية لكنكم تنقلبوا عليها لو ماكانتش فى جيبكم
باعوا البلد علشان كام ألف يقبضوها من ظهورهم فى فضائيات كل مصلحتها زيادة نسبة المشاهدة والتجارة باحلامنا ومتاعبنا
المصريين شعب متدين ويحب رموز الدين
الدين ليس مظهر
لكن المظهر برضه يحمل رمز
انتم شوهتوا المظهر والجوهر
شوهتوا كل حاجة حبيناها وكبرنا عليها
فى البيت البسيط .. مهما كان الأب فيه عيوب ، لازم الام تحافظ على صورته امام الولاد حتى لاتهد الرمز
اعلام المصلحة والبيزنس
كلكم بعتوا البلد وبعتونا علشان شوية دولارات
آه ياوطن غاوى عفن
جبان ورافض للتجديد
كان جميع ما فيك حسن
دلوقتى فيك كلاب وعبيد
دة الحر يعشق حب الوطن
والعبد يعشق بوس الايد
الخال عبد الرحمن الابنودى
جبان ورافض للتجديد
كان جميع ما فيك حسن
دلوقتى فيك كلاب وعبيد
دة الحر يعشق حب الوطن
والعبد يعشق بوس الايد
الخال عبد الرحمن الابنودى
رسالة عبدالرحمن الابنودي
ReplyDeleteالي شعب مصر بتاريخ 2 يونيو
((((انزل لاخواتك في الميدان ))))
ــــــــــــــــــــــــ
انزل لاخواتك في الميدان
كلاب الشر نهشوا لحم اخوك
عروا اختك
والدور علي امك وابوك
وانت رغم دا كله ساكت
مصر لو مسكوها دول
تبقي ماتت
======
مصر دعوه طيبه والانبياء بتقول امين
مصر مش للكدابين مصر يوسف والحسين
رغم جب السجن فيها وبحر دم
بس لسه في بطنها للغد حلم
ولا عمرها بتقبل بظلم
مهما حاولوا يغيبوها ويقتلوها
مهما حاولوا يشوهوها
بالفتن المجهده
مهما حاولوا العذرا عاشقه السيده
وابقي دور عن وطن يا اللي عاوز تستقر
لو صحيح عاوز بلادك تبقي حره استمر
وانت هتكون التمن
هو دا سعر الوطن
والكلام للي ثائر مش جبان
انزل لاخواتك في الميدان
==============
جوه الميدان لون القلوب ابيض كما لون الحمام
رمز السلام
وابقي قولي يا اللي بتساوم علي ابنك وعرضك
لونك ايه؟؟؟
يا اللي بتدوقنا من حنضل سكاتك
ووصفتنا باسوء صفاتك
لونك ايه؟؟؟
ما انت دوقت عذاب سنين
ليه تبقي خنجر في قلوب الطيبين
وترجع الخوف اللي كان
انزل لاخواتك في الميدان
===============
وانت يا ثائر بلادي
ياللي عاوز تبقي مهر امان ولادي
وللاسف بيشوهوك
ايوه باسم الدين بعوك
هونت وف نفس الميدان سلموك
وفي طريقهم للكراسي خونوك
وبيدبحوك
وانت رغم دا كله بتكمل طريقك
قدرك يكون الموت صديقك
واللي خلق الخلق شايف
ملكهم زايل وزايف
يكفي انه لسه خايف
وانت قلبك فيه امان
انزل لاخواتك في الميدان
===============
انزل وسلم ع العيال الشقيانين
البردانين علشان في عز البرد
نبقي دافيانين
انزل وحقق حلم ابوك
دا اللي بيضحي اخوك
حط ايدك فوق كتافه واساله
انت ليه دايما حزين
واوعي تسمع للي خان
انزل لاخواتك في الميدان
لا لمقاطعة انتخابات الاعادة
ReplyDeleteلا لابطال الأصوات
المقاطعة وابطال الصوت سوف تكون فى صالح شفيق
ياريت نصحى ونفهم عمليات غسيل المخ وتشويه الثورة
يامصريين : تعالوا الى كلمة سواء .. انصروا الثورة
{وَأَطِيعُواْ اللّهَ وَرَسُولَهُ وَلاَ تَنَازَعُواْ فَتَفْشَلُواْ وَتَذْهَبَ رِيحُكُمْ وَاصْبِرُواْ إِنَّ اللّهَ مَعَ الصَّابِرِينَ}
تذكر جيدا ان كل من شارك فى الثورة يتم تشويه صورته بصورة منظمة ،، هذه التشويه يصب فى صالح احمد شفيق ... شفيق تلميذ حسنى ورئيس وزراء موقعة الجمل والتى استمرت حوالى اليومين ولم يتحرك أحد لنجدة الثوار فى الميدان سوى رعاية الله وبشهادة الجميع كان الأخوان أحد أسباب دحر الجمال والأحصنة والبلطجية ،،، أرجو أن ندقق فى الحملات المشبوهة التى تغسل مخ البسطاء من المصريين وترويج الشائعات والفتن بين الثوار وبين المصريين ،،، الأخوان مصريين زيى وزيك وشاركوا فى الثورة وعارضوا حكم حسنى واللى قبله وتاريخ جهادهم ودخولهم المعتقلات معروف للجميع ،،، الأخوان مش يهود دول مصريين ،، بلاش نضرب فى بعض وبالذات فى الوقت الحالى ،،، اصحوا يامصريين مش الأخوان اللى المفروض تهاجموهم .. الفلول وشفيق هم اللى المفروض نكشفهم ونفضح نواياهم ،، الشهداء ماتوا ليه ؟؟؟ والبلد خربت ليه ؟؟؟ علشان نرجع نجيب نفس النظام الفاسد تانى ؟؟؟؟؟ اذا كان الأخوان لهم أخطاء فان اللى بيهاجموهم مش ملايكة ولهم اخطاء برضه ،، يجب ان نفهم أن اللغة الاعلامية ليست طاهرة والمصلحة هى التى تحكم وليست الديمقراطية ولا العدل ،،، يامصريين : تعالوا الى كلمة سواء .. انصروا الثورة
علشان خاطر مصر ... صحى ضميرك .. صحى عقلك .... كل التخويف والتشويه ضد الأخوان مبنى على (( ها .. يعنى : سوف )) وليس على واقع ،، أين العقل فى قبول هذا التخويف ،، الأخوان لم يحكموا بعد ولهم مشروعهم زى كل طرف ،، وياريت نخلى بالنا من المشاريع المخفية والتى تقال خلف الأبواب المغلقة والتى لم يقترب منها أى نقد أو تصريح ،، لاتغتر بحديث ذوى الياقات البيضاء حماة أهداف أخرى .. مازالت لعبة (( فزاعة الأخوان )) هى اللعبة الرائجة .. فرق تسد ... حفظ الله الوطن
ReplyDelete